.png)
Një përplasje verbale me tone relativisht të larta ka ndodhur gjatë seancës së sotme plenare, ku kreu i SPAK, Altin Dumani, po raportonte mbi punën e Prokurorisë së Posaçme.
Drejtuesja e seancës, Ermonela Felaj i ka ndërprerë fjalën deputetes së PD, Elda Hoti, ç’ka ka shkaktuar pakënaqësi tek deputetët e opozitës.
Kreu i grupit të PD, Gazment Bardhi ka kërkuar që Hoti të marrë fjalën, duke iu drejtuar Felajt: “Nuk ke asnjë të drejtë t’i heqësh fjalën koleges, çfarë je ti, vlerësuese e zyshës së klasës së parë?”
Ndërkohë, deputeti Flamur Noka i është drejtuar foltores ku ndodhej Dumani, ndërsa punonjësit e gardës kanë ndërhyrë duke mos e lejuar të afrohet.
“Ulu në vend! Dëgjon apo nuk dëgjon. Ulu në vend!”, iu drejtua Felaj Nokës.
Pjesë nga debati:
Bardhi: Jepi fjalën koleges të mbaroj pyetjes! Nuk ke asnjë të drejtë t’i heqësh fjalën koleges, çfarë je ti, vlerësuese e zyshës së klasës së parë?
Felaj: E kishte fjalë, i bëri të gjitha pyetjet, se i kam pyetjet para. Zoti Bardhi
Bardhi: Jepi fjalën, pastaj të flasi ai (Dumani)
Felaj: Keni pyetjet tjetër për të bërë? Ka mundësi të uleni?
Noka i drejtohet foltores ku ndodhet Altin Dumani.
Felaj-Nokës: Ulu, ulu! Ç’pate, ulu zoti Noka! Ulu në vend ti, zoti Bardhi dhe Vokshi. Nuk mund të flisni për të, nëse ka pyetje të flasi. Ulu në vend! Dëgjon apo nuk dëgjon. Ulu në vend!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
