Bitcoin ka nisur me jeshile të hënën e kësaj jave, nxitur nga atentati ndaj Donald Trump.
Investitorët iu drejtuan kriptomonedhës më të madhe në botë, duke spekuluar për shanset që ish-presidenti të fitonte zgjedhjet e nëntorit.
Çmimi i Bitcoin u rrit me 9.1% në 62,830 dollarë pasi një person i armatosur goditi ish-presidentin Trump në vesh në një tubim. Edhe kriptomonedha Ether u rrit me 8.6%, në 3.3 mijë dollarë.
Republikani shihet si kandidati më pro-kripto, pasi ka pritur drejtues të industrisë në Mar-a-Lago dhe me fushatën e tij që pranon pagesa në kriptomonedha, e para për një parti të madhe politike amerikane.
“Ai e ka pozicionuar veten si një mbështetës të kriptomonedhave dhe shanset e rizgjedhjes së tij u rritën fort pas atentatit. Sigurisht kjo pati një efekt direkt edhe në tregjet e monedhave digjitale”, tha Tony Sycamore, një ekspert tregu.
Trump do të jetë një ndër folësit kryesorë në konferencën e Bitcoin 2024, në Tennesse, më 27 korrik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.