Gazeta Si – Një 33-vjeçar, Andrea Bregasi, është arrestuar në Durrës, teksa lëvizte i armatosur me pistoletë. Policia tha se ai u kap në lagjen nr. 11 të qytetit bregdetar, ku iu gjet arma e zjarrit dhe municion luftarak që posedohej pa leje.
Pas verifikimeve, rezultoi se Bregasi ishte në kërkim nga Policia e Tiranës për vrasje të mbetur në tentativë. Bëhet fjalë për një ngjarje të ndodhur vitin e kaluar në zonën e Don Boskos në Tiranë.
Ai qëlloi me armë në drejtim të makinës që drejtonte Rudolf Zefi, ndërsa pasagjerë ishin dy vëllezërit e tij. Fatmirësisht Zefi shpëtoi pa lëndime dhe denoncoi rastin në polici.
Pas ngjarjes, Bregasi u shpall në kërkim, ku madje policia vendosi 5 mijë euro shpërblim për kapjen e tij.
Andrea Bregasi rezulton të jetë i dënuar më parë për grabitje me armë në një argjendari. Ai është liruar nga burgu në dhjetorin e vitit 2022 pas përfundimit të dënimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
