Vendimi i Gjykatës së Apelit i datës 11 qershor e la Lulzim Bashën pa logon e PD-së.
Qysh prej asaj dite, Basha është orvatur të bëjë dy lëvizje paralele, njërën duke u prezantuar si kryetar i demokratëve euroatlantike dhe tjetra duke lajmëruar së do të bëjë rekurs në gjykatën e Lartë.
Por ndryshe nga mungesa e përgjigjes e Bashës se kur do të bëjë rekurs, cfarë do të bëjë nëse gjykata e Lartë ia lë vulën Sali Berishës grupi brenda tij nuk ka humbur kohë.
Jo zyrtarisht po flitet për krijimin e një partie të re në kushtet kur logoja dhe vula e Partisë Demokratike janë në duart e Sali Berishës.
Akronimi i forcës politike po flitet të jetë ‘IDE’.
Raportohet deri me tani se partia e re do të drejtohet nga një trupë kolegjiale deri në zgjedhjet e vitit 2025, e pas këtyre zgjedhjeve, kur edhe çështja e logos dhe vulës së PD të jetë zgjidhur, pritet të ketë një betejë elektorale të brendshme në këtë force të re politike. Një veprim i tillë duket se do të shmangë çdo përgjegjësi nga Lulzim Basha, në rast të një humbje të mundshme në zgjedhjet e 2025, ku synohet bashkëpunim me partitë e vogla opozitare, si lëvizja ‘Shqipëria bëhet’, Nisma Thurje etj. Në të dyja rastet Basha del i lare, shkon në zgjedhje më një force politike që nuk është kryetar vete dhe në anën tjetër pret nëse gjykata e Lartë do t’i ktheje logon e PD. Nderkohe pas ketyre raportimeve ka pasur nje reagim ne faqen zyrtare te grupimit politik që drejtohet nga Basha.
"Qartësojmë opionin publik se Partia Demokratike – Demokratët Euroatlaintikë funksionon mbi vendimmarrjen e organeve të saj drejtuese, të zgjedhura nga vota e anëtarëve, siç është Kryesia dhe Këshilli Kombëtar.
Vendimmarrja nuk është në dëshirën e Kryetarit apo të ndonjë individi tjetër, por vendimmarrje e shumicës dërrmuese të strukturave të saj drejtuese.
Kryesia dhe Këshilli Kombëtar i Demokratëve Euroatlantikë ka vendosur të bëjë rekurs për vendimin e paligjshëm të Gjykatës së Apelit. Të qartë se mos bërja e rekursit ndaj një akti të pranuar gjerësisht si të paligjshëm, do të thotë të pranosh në heshtje pazarin Rama-Berisha", thuhet ne njoftim
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.