Gazeta Si - Juri Ymeraj, 35 vjeç, i shpallur në kërkim ndërkombëtar, si i dyshuar për pastrim parash në çështjen e inceneratorit të Fierit, është arrestuar në Itali nga Interpoli i Romës.
Ymeraj është shpallur në kërkim, pasi është dhënë masë sigurie “arrest në burg” në mungesë.
Ndaj tij, më 11 nëntor të vitit 2022, Gjykata e Posaçme Kundër Korrupsionit dhe Krimit të Organizuar, ka caktuar masën e sigurisë “Arrest me burg”, për veprën penale “Pastrim të produkteve të veprës penale”.
Ymeraj ishte pjesë e skemës mashtruese me fatura fiktive në inceneratorin e Fierit, ku dyshohet për pastrim parash.
Vijon bashkëpunimi me Interpol Romën, për të finalizuar ekstradimin e 35-vjeçarit, në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.