Sekretari i Përgjithshëm i Partisë Demokratike, Flamur Noka i ka kërkuar Lulzim Bashës të mos përdorë asetet dhe simbolet e PD.
Kërkesa vjen pasi Gjykata e Apelit i dha vulën PD-së së drejtuar nga Sali Berisha.
Kërkesa e Nokës i është drejtuasr nominalisht Bashës dhe për dijeni edhe bankave të nivelit të dytë që lëvrojnë fondet për PD-në.
Ai u kërkon bankave që të pezullojnë cdo lloj veprimi ndaj aseteve të PD-së pas datës 11 qershor (kur u mor vendimi), edhe pse Noka pranon se nuk është zbardhur ende e plotë si vendim.
Noka kërkon të bllokohet përdorimi i fondeve të PDSH nga Basha përfshi qiranë për zyrat, domaini zyrtar i internetit dhe faqet zyrtare të PDSH
Noka shkruan se administrimi i fondeve pas datës 11 qershor po monitorohet nga ana e PD-së zyrtare dhe se cdo person do të mbajë përgjegjësi personale dhe do të ndiqet në rrugë gjyqësore për veprimet apo mos veprimet që sipas tij do të cenojnë interesat e PD-së
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.