Gazeta Si - Një pistoletë e fshehur brenda një çante në aeroportin e Rinasit është zbuluar nga policia kufitare përmes skanerit.
Policia tha se është arrestuar poseduesi, 23-vjeçari D.G. nga Peja e Kosovës. Sipas policisë, i riu do të udhëtonte nga Shqipëria drejt Italisë.
Si rezultat i skanimit, brenda çantës së 23-vjeçarit u zbulua arma e zjarrit pistoletë me municion luftarak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprën penale “Trafikimi i armëve dhe i municionit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.