.png)
Gazeta Si - Në kuadër të operacionit policor të koduar “Territori i pastër”, janë gjetur dhe asgjësuar 6.201 fidanë kanabis në qarkun e Shkodrës.
Policia njofton se në malin e Shoshit janë gjetur 835 fidanë kanabis dhe si rezultat i hetimeve është identifikuar dhe arrestuar autori i dyshuar i kultivimit të lëndës narkotike, 29-vjeçari me iniciale M.L., banues në fshatin Hot i Ri.
Kontrollet gjithashtu kanë vijuar dhe në territorin e njësive administrative Shosh, Shalë, Pult dhe Postribë ku u gjetën në total 4 902 fidanë kanabis.
Po në vijim të kontrolleve në territorin e njësisë administrative Temal, Vau i Dejës, u gjetën 244 fidanë kanabis, ndërsa në territorin e njësisë administrative Gjegjan, Pukë, u gjetën 220 fidanë kanabis.
Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre fidanëve kanabis. Megaoperacioni “Territor i pastër” vijon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
