Gazeta Si – Një lëndë plasëse është vendosur në makinën e një punonjësi policie në Shkodër, Kastriot Selimaj, 50 vjeç.
Makina ka qenë e parkuar në oborrin e banesës së tij, ku lënda plasëse është vendosur tek goma e pasme e automjetit.
Si pasojë e shpërhtimit nuk ka pasur të lënduar në njerëz por është dëmtuar pjesërisht automjeti. Ngjarja ka ndodhur rreth orës 04:00 në lagjen “Tepe” të Shkodrës në oborrin e banesës së punonjësit të policisë, ku dhe mjeti ishte i parkuar.
Pamjet nga kamerat e sigurisë tregojnë momentin kur dy autorët të maskuar me pelerina të zeza hipin mbi murin rrethues të banesës dhe vendosin tritolin në banesën e efektivit në Shkodër.
Kastriot Selimaj, është efektiv i policisë rrugore në Shkodër. Në polici, ai ka deklaruar se nuk pa probleme me njeri dhe dyshimet janë për shkak të punës. Policia po punon për identifikimin dhe kapjen e autorëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
