Nga Gazeta ‘Si’ - Presidenti i Serbisë Aleksandar Vuçiç ka takuar në Beograd të dërguarin special të Gjermanisë për Ballkanin Perëndimor, Manuel Sarrazin.
Ai deklaroi se kanë diskutuar për situatën në rajon, marrëveshjet e paplotësuara nga dialogu Beograd-Prishtinë, sigurinë e serbëve në Kosovë dhe formimin e Asociacionit.
“Përsërita se Gjermania dhe komuniteti ndërkombëtar në Serbi kanë një partner të besueshëm në ruajtjen e paqes dhe stabilitetit, forcimin e bashkëpunimit dhe prosperitetit rajonal dhe se mbrojtja e interesave kombëtare të shtetit dhe popullit serb do të jetë gjithmonë prioriteti ynë”, tha Vuçiç në llogarinë e tij në Instagram.
Ai deklaroi se biseda e tij me Sarrazin ishte shumë e drejtëpërdrejtë dhe se gjithashtu kanë diskutuar edhe për vazhdimin e rrugës europiane të Serbisë, përfshirjen e Gjermanisë në proceset rajonale dhe marrëdhëniet dypalëshe.
Një ditë më herët, ambasadori gjerman në Prishtinë, Jorn Rohde, ritheksoi qëndrimin e Gjermanisë se normalizimi i marrëdhënieve mes Kosovës dhe Serbisë duhet të përmbyllet me njohje të ndërsjellë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.