Gazeta Si- Një turist nga Bullgaria është gjetur i vdekur në malin e Jezercës. Ai ishte nisur së bashku me një person tjetër dhe gjatë eksplorimit të malit kanë humbur kontaktet me njëri-tjetrin.
Shoku i tij ka kaluar në Mal të Zi dhe ndodhet në gjendje të mirë shëndetësore dhe prej andej denoncoi ngjarjen e rëndë.
Pas njoftimit, helikopteri “Cougar” i Forcave të Armatosura është ngritur në ajër dhe pas disa orësh kërkimesh është bërë e mundur gjetja e trupit të pajetë të turistit në Alpet e Shqipërisë, në Jezercë.
Në një postim në rrjetet sociale, sqarohet se kërkimet për turistin u bënë nga toka dhe ajri, por në fund u gjet vetëm trupi i tij i pajetë.
Agjencia Kombëtare e Mbrojtjes Civile bën thirrje për kujdes të shtuar në zonat me rrezikshmëri të lartë si dhe ndjekje me përpikmëri të udhëzimeve të guidave të specializuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
