Gazeta Si – Apeli i GJKKO ka lënë në fuqi vendimin me tre vite burg për Lefter Allën, ish-kryetarin e Bashkisë së Bulqizës, i cili u arrestua me 15 mars të një viti më parë, pasi akuzohet se ka shpërdoruar detyrën në lidhje më një tender me vlerë 3 mln euro.
Alla është shpallur fajtor për tenderin e ujësjellësit dhe është dënuar me tre vite burg, ndërsa do të vuajë 2 vite burg për shkak të gjykimit të shkurtuar.
Ish-kryebashkiaku dhe 8 persona të tjerë të u gjetën fajtorë nga Gjykata e Posaçme, për akuzat e shpërdorimit të detyrës, shkelje të barazisë në tendera dhe falsifikimit.
SPAK ka provuar se Alla dhe nëpunësit e tjerë të Bashkisë Bulqizë kanë abuzuar me tenderin “Ndërtimi i rrjetit të furnizimit dhe rrjetit shpërndarës Ujësjellësi dhe ndërtimi i rrjetit të KUZ , Lagja e vjetër, qyteti Bulqizë, Bashkia Bulqizë”. Tenderi kapte vlerën e 322 milionë e 439 mijë lekë.
Alla dyshohet se në bashkëpunim më ish zyrtarët e bashkisë favorizoi dy kompani gjatë procedurës së prokurimit publik me qëllim që më pas punimet për ujësjellësin t’i kryejë kompania ‘OE 2AF Albania shpk’, e cila është në administrimin e të afërmit të Allës, Aqif Konesha.
Të dënuarit e tjerë
1 vit e 8 muaj burg Enkelejda Lleshit, lirohet me kusht
Nga 14 muaj burg Rubin Kolës, Arsen Gjokës e Kujtim Zogut, lirohen me kusht
Leonard Daci dënohet me 1 vit e 2 muaj burg, lirohet me kusht
Erion Isaku dënohet me 2 vite burg
Rasim Daci dënohet me 1 vit e 8 muaj burg
1 vit e 4 muaj burg Aqif Koneshën, i afërmi i Lefter Allës
Dënohet me 1 vit burg, Dali Gazidedja, lirohet me kusht
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
