.png)
Nga Gazeta ‘SI’ – Presidenti Bajram Begaj ka firmosur lirimin nga detyra të ambasadorit të Shqipërisë në Ukrainë dhe ka emëruar një emër të ri.
Me firmën e presidentit, nga detyra u lirua Mimoza Halimi dhe në vend të saj u emërua Ernal Filo, i cili do të jetë rezident atje, duke hapur kështu për herë të parë përfaqësinë shqiptare në Ukrainë.
Filo do të shërbejë si ambasador edhe në Estoni, Letoni e Lituani. Ambasadori i ri i ka shërbyer politikës së jashtme të Shqipërisë që prej 1997-s dhe momentalisht ishte pjesë e Drejtorisë së Protokollit të Shtetit. Filo shërben për politikën e jashtme që prej vitit 1997
Premtimi për hapjen e një ambasade shqiptare në Ukrainë iu dha presidentit Zelensky nga vetë kryeministri Edi Rama, pak kohë pas nisjes së pushtimit rus atje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
