Gazeta Si-Sipas hetimeve paraprake, vdekja e minatorit Zeni Murati një ditë më parë u shkaktua nga shembja e një masivi dherash në galerinë ku ai punonte në Bulqizë.
Ka qenë pikërisht shkelja e rregullave të mbrojtjes në punë shkaku që i mori jetën 53-vjeçarit.
Për pasojë, ka nisur hetimi për drejtuesin teknik, H.D., 64 vjeç, përgjegjësin teknik A.A., 69 vjeç dhe brigadierin M.S., 53 vjeç. Ky është rasti i dytë tragjik i humbjes së jetës në punë brenda pak ditësh.
Pak ditë më parë në Martanesh humbi jetën dhe Armand Peshku në një nga galeritë e zonës, ku shkak është bërë mungesa e kushteve të sigurisë teknike në punë.
Ndërkohë, Policia e Bulqizës, njofton për hetimet lidhur me vdekjen e 30-vjeçarit Klodian Kala, i cili ra në kontakt me rrymën elektrike, e ndërruar jetë, teksa peshkonte në lumë.
Shtetasit A.K., 45 vjeç, dhe E.J., 33 vjeç, banues në Bulqizë janë vënë nën hetim për veprën penale “Peshkimi i ndaluar”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
