Nga Gazeta 'Si' - Një studim i ri, zbulon se ‘të mburresh’ se je i stresuar (stress bragging), mund të dëmtojë seriozisht karrierën.
Ju mund të mendoni, se jeni duke u afruar me kolegët, për ngarkesën kërkuese të punës, por nëse vazhdimisht flisni se sa e vështirë është puna juaj, sipas studiuesve të menaxhimit, ju jeni duke u ‘mburrur’ për stresin që keni.Dhe kjo, mund të dëmtojë reputacionin tuaj profesional.
Në një studim të fundit, Jessica Rodell, studiuese nga Terry College of Business, në SHBA dhe kolegët e saj, zbuluan se njerëzit, që ‘mburren’ se ndjehen të stresuar në punë, shihen si më pak të aftë dhe të pëlqyeshëm nga bashkëpunëtorët e tyre.
Rodell tha se përmendja e stresit, mund të jetë një përpjekje indirekte, për të komunikuar se jeni një punëtor i vlefshëm i palodhur, por nuk funksionon.
Nëse punoni mjaft gjatë, do të ndeshni të paktën një koleg, që flet gjithë kohën se sa i stresuar është, ose mund të jeni edhe vetë ju një i tillë.
“Një arsye e madhe, pse ky fenomen ndodh, është se ne ende jetojmë në një shoqëri, që vlerëson të qenët i zënë me punë,” tha Shannon Garcia, psikoterapiste në State of Wellness Counseling, me qendër në Illinois dhe Wisconsin.
“Nëse ne jemi duke e shtyrë veten në maksimum në punë, duam që njerëzit ta dinë këtë.”
Në një pjesë eksperimentale të studimit të Rodell-it, 360 pjesëmarrësve iu kërkua të lexonin skenarë të ndryshëm, rreth një kolegu imagjinar, që sapo ishte kthyer nga një konferencë pune, me njërin nga skenarët që fliste për dikë që përmendte se sa stres kishte.
Ky bashkëpunëtor imagjinar, u ankua se konferenca ishte “vetëm një nga shumë gjërat, që duhet të bëj. Dhe unë tashmë, isha i stresuar në maksimum, nuk e ke idenë se në çfarë stresi jam.”
Pjesëmarrësit, e vlerësuan atë koleg, si dukshëm më pak të ngrohtë dhe të aftë, se një punonjës tjetër i cili thjesht tha se konferenca ishte “mirë”, por edhe stresuare, ose ai, që mburrej se sa e mrekullueshme ishte konferenca.
Edhe pse dikush mund të mendojë, ‘Oh, kjo po tregon, se unë kam shumë përgjegjësi dhe detyra në punë’, ajo që dikush tjetër po sheh, është: ‘Ti nuk je mjaftueshëm i mirë, për të vazhduar me punën tënde.’.
Kjo sjellje, ka potencial për pasoja negative afatgjata; pjesëmarrësit në eksperiment, thanë se kishin më pak gjasa të mundoheshin të ndihmonin një ‘mburravec’ të tillë.
Çfarë duhet të bëni
Gjëja kryesore nga studimi, nuk është se nuk mund të pranoni ndonjëherë, se ndiheni të stresuar në punë, por të jeni të vëmendshëm, se si e shprehni atë.
Por, njerëzit shpesh nuk e pëlqejnë komunikimin indirekt, dhe mund të bezdisen, që nuk po dilni në temë. Pra, në vend që të shpreheni në këtë mënyrë, mund të përpiqeni të komunikoni drejtpërdrejt përvojën tuaj.
Për shembull: “Jam i mbingarkuar, dhe me të vërtetë duhet të rregulloj ngarkesën time të punës” ose “Jam vërtet krenare, që jam përfshirë në këtë projekt të madh!”
Dhe mbani mend, se nëse jeni të stresuar, ka të ngjarë, që edhe kolegët tuaj të ndihen kështu. Pra, mos harroni t’i pyesni, se si po ia dalin.
Dhe nëse punoni me një njeri, që vetëm flet se sa i stresuar është, duhet të jeni vigjilentë, për të mbrojtur energjinë tuaj, sepse mund të ndikoheni, tha Rodell. Në një eksperiment tjetër për studimin e Rodell-it, 187 çifte punonjësish, u anketuan gjatë javëve, në lidhje me stresin e punës me njëri-tjetrin.
Punonjësit, që punuan ngushtë me kolegë, që ankoheshin nga stresi, raportuan nivele më të larta të stresit personal dhe të burnout (ezaurim).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
