Gazeta Si- Drejtuesi i një furgoni për transport ndërqytetas të qytetarëve, i cili humbi kontrollin e mjetit dhe doli nga rruga në Klos, duke lënë të lënduar 3 pasagjerë, u arrestua këtë të mërkurë në Dibër.
Policia thotë se 55-vjeçari Ajet Lila është arrestuar për deklarim të rremë për aksidentin në bypass-in e Rrugës së Arbrit, ku kishte thënë para oficerit “se një automjet tjetër i kishte ndërprerë rrugën”, duke shkaktuar përmbysjen e mjetit.
Siç shihet dhe nga pamjet e publikuara nga policia, asnjë mjet tjetër nuk ndodhej në rrugë në momentin e aksidentit.
Policia njofton gjithashtu se njëri nga të dëmtuarit vijon të jetë në kujdesin e mjekëve dhe jashtë rrezikut për jetën, ndërsa të tjerët pasi kanë marrë shërbimin mjekësor, janë larguar në banesa.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
