Gazeta Si – Dy shqiptarë të moshës 36 dhe 46 vjeç janë arrestuar në Milano nga policia, e cila gjeti në garazhin e tyre 5.2 kilogramë heroinë.
Disa blloqe droge ishin futur brenda një proshute kalabreze dhe të mbushura me vakum.
Pas zbulimit të heroinës, policia ka kontrolluar shtëpinë e të dyve dhe ka gjetur kartëmonedha prej 70 mijë eurosh.
Të dy janë vënë në pranga me akuzën e posedimit me qëllim të shitjes së drogës në konkurs.
Dy të dyshuarit u identifikuan në një makinë në zonën Piazzale Istria nga grupi hetimor i stacionit policor Garibaldi Venezia.
Policët i kanë ndjekur dhe 36-vjeçari është drejtuar me makinë drejt një garazhi në Via Benefattori dell’Ospedale, ku sapo ka vënë re praninë e efektivëve ka tentuar të mbyllë qepenin. Brenda u gjetën pakot e drogës.
Në banesën e të dyve kishte para, në një zarf në krevat, si dhe një makineri profesionale për numërimin e kartëmonedhave, një makinë ambalazhimi me vakum dhe materiale të tjera ambalazhimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
