Gazeta Si – Dy persona janë arrestuar në Korçë, pasi u kapën duke transportuar 3 thasë me kanabis. Policia thotë se në kuadër të megaoperacionit “Tempulli”, u bë e mundur arrestimi i 29-vjeçarit, K.Sh., nga fshati Voskop dhe i 38-vjeçarit, H.M., nga fshati Vashtëmi.
Nga kontrolli në automjetin tip “Audi”, që drejtonte 29-vjeçari dhe ku ishte pasagjer shtetasi H.M., u gjetën 3 thasë me rreth 12.5 kg kanabis.
Lënda narkotike që po transportohej me qëllim shitjen, u sekuestrua në cilësinë e provës materiale, bashkë me automjeti tip “Audi” dhe me një shumë eurosh.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
