Ngjarja e fuqishme e motit El Nino, që së bashku me ndryshimet klimatike ka bërë që në shumë vende të ketë temperature ekstreme, ka përfunduar, kanë lajmëruar shkencëtarët.
Byroja Australiane e Meteorologjisë thotë se Oqeani Paqësor është "ftohur ndjeshëm" javën e kaluar.
Ky episod i natyrshëm që filloi qershorin e kaluar solli ujëra më të ngrohta në sipërfaqen e Paqësorit, duke shtuar nxehtësi shtesë në atmosferë.
Por ajo që do të ndodhë më pas është e pasigurt, thonë studiuesit.
Një varg rekordesh të fundit mujore globale të temperaturave të larta ka bërë që disa shkencëtarë të frikësohen se bota mund të jetë duke u kthyer në një fazë të re të ndryshimit edhe më të shpejtë të klimës.
Shkencëtarët thonë se muajt pas përfundimit të El Nino do të japin një tregues nëse temperaturat e larta të fundit janë për shkak të ndryshimeve të përshpejtuara klimatike apo jo.
Çdo disa vjet, fillimi i El Nino sjell ndryshime dramatike të motit në shumë pjesë të botës.
Rritja e ujit të ngrohtë që del në sipërfaqe në brigjet e Perusë në Amerikën e Jugut është e lidhur me thatësirat dhe përmbytjet në pjesë të ndryshme të botës.
Emri i plotë i modelit është El Nioo-Southern Oscillation ose ENSO.
Ai karakterizohet nga tre faza të ndryshme, El Nino i nxehtë, kushte neutrale ose një periudhë më e ftohtë e quajtur La Nina.
Ky El Nino aktual u shpall qershorin e kaluar dhe arriti kulmin në dhjetor.
Uji më i ngrohtë në Paqësor ka bërë që të ketë më shumë temperatura të larta, me muajin mars që ka qenë muaji i dhjetë rrjesht që ka thyer një rekord temperature.
Por tani, ndoshta më shpejt se sa pritej, El Nino është zhdukur.
Pyetja kritike është se çfarë ndodh më pas dhe për këtë shkencëtarët janë të ndarë.
Studiuesit amerikanë kohët e fundit thanë se kishte 60% mundësi që një La Nina të zhvillohej midis qershorit-gushtit dhe një shans 85% që kjo të ndodhte deri në vjeshtë.
Por Byroja Australiane thotë se deklarata të tilla të trajtohen me kujdes. Ata presin që kushtet neutrale të zgjasin të paktën deri në korrik.
"Meqenëse kushtet aktuale globale të oqeanit nuk janë vëzhguar më parë, konkluzionet se si mund të zhvillohet ngjarjet në vitin 2024", thanë përfaqësuesit në një deklaratë.
Por, nëse formohet një La Nina ka vërtet rëndësi, thonë studiuesit.
Mund të ketë një ndikim të rëndësishëm në stuhitë dhe uraganet, me disa ekspertë që parashikojnë se nëse La Nina arrin, do të sillte një sezon shumë aktiv uraganesh në Atlantik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
