Gazeta Si – Një sasi tritoli në automjetin e një 34-vjeçari në Malbardhë të Kurbinit mëngjesin e kësaj të enjteje rreth orës 04:00, ka vënë në lëvizje policinë dhe ekspertët xhenierë, të cilët shkuan në vendin e ngjarjes.
Sipas policisë, lënda plasëse, e cila për fat të mirë nuk shpërtheu dyshohet se është vendosur nga i afërmi i 34-vjeçarit.
Autori i dyshuar me iniciale A.L., dyshohet se ka vendosur lëndën plasëse për të kanosur të afërmin për shkak të konflikteve të mëparshme me të.
Gjithashtu, u referuan materialet në Prokurori, ku nisi procedimi në gjendje të lirë për shtetasin Z. L., pasi dyshohet si bashkëpunëtor në këtë rast.
“Vijojnë kërkimet intensive për kapjen e autorit të dyshuar dhe në drejtimin e Prokurorisë vijojnë hetimet për të zbardhur dhe dokumentuar rrethanat e rastit”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
