Microsoft dhe OpenAI po planifikojnë të krijojnë një superkompjuter që përdor miliona çipa serverësh të specializuar dhe mund të kushtojë deri në 100 miliardë dollarë. Stargate do të jetë i bazuar në inteligjencën artificiale.
Microsoft dhe OpenAI kanë investuar 100 miliardë dollarë në zhvillimin e ‘Stargate’, i cili do të jetë një kompjuter i sapo zhvilluar, i krijuar për të shfrytëzuar kryesisht mësimin e makinerive.
Ky projekt do të ndahet në pesë faza progresive dhe kompanitë janë aktualisht në fazën e tretë, kështu që është një proces tashmë në zhvillim e sipër. Duke marrë parasysh kohën e përgjithshme, ‘Stargate’ duhet të hyjë në funksion në vitin 2028, por kjo varet edhe nga koha e përpunimit të versioneve të reja të modelit LLM të OpenAI: në thelb, ideja është që kompania të arrijë lëshimin deri në një datë të caktuar për t’i dhënë përfundimisht dritën jeshile superkompjuterit.
Microsoft ka krijuar tashmë superkompjuterin e tij në 2020-ën për të mbështetur OpenAI, i fokusuar në ‘Azure’ dhe përdorimin e dhjetëra mijëra përshpejtuesve NVIDIA A100, por nuk është e sigurtë që Stargate është i destinuar të ndjekë të njëjtën rrugë.
Ekzekutivët në të dyja kompanitë kanë hartuar tashmë plane për projektin e qendrës së të dhënave, i cili do të fuqizonte inteligjencën artificiale të OpenAI.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
