Kryetari i Grupit Parlamentar të Partisë Demokratike Gazment Bardhi i ka kërkuar institucioneve informacion mbi udhëtimet me charter të Kryeministrit Edi Rama dhe kostot e këtij shërbimi.
Në shkresën zyrtare Bardhi kërkon kopje të marrëveshjes që Qeveria shqiptare ka nënshkruar me “Air Albania” shpk, nga e cila përfiton udhëtimet me charter Kryeministri Rama.
Bardhi kërkon gjithashtu listën e plotë të udhëtimeve jashtë vendit të kryeministrit Edi Rama nga data 15 shtator 2013 deri në datën 1 mars 2024 si dhe koston për secilin prej këtyre udhëtimeve dhe koston totale të udhëtimeve për periudhën e sipërcituar.
Sipas ligjit, institucionet e kanë detyrim që të informojnë deputetët për të dhënat e kërkuara brenda 15 ditësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.