Gazeta Si – Një 38-vjeçar u arrestua në Vaun e Dejës në Shkodër i akuzuar për tentativë vrasjeje. Policia tha se Mersin Mlloja, banues në fshatin Kosmaç, dyshohet se një ditë më parë ka tentuar të vrasë, duke përplasur me automjet nënë e bir në fshatin Bushat.
Sipas policisë, nënë e bir janë kolegë të tij, teksa po ecnin në korsinë e dedikuar të këmbësorëve.
Ata ndodhen jashtë rrezikut për jetën. Automjeti që drejtonte Mlloja është sekuestruar në cilësinë e provës materiale. 38 vjeçari akuzohet për “Vrasja me dashje”, mbetur në tentativë.
“Ky shtetas, më datë 15.03.2024, në Bushat, dyshohet se për motive të dobëta, ka tentuar të vrasë, duke i përplasur me automjetin që drejtonte, në korsinë e dedikuar për këmbësorë, 2 kolegët e tij, shtetasit D. N., 60 vjeçe dhe K. N., 32 vjeç (nënë e bir), të cilët janë jashtë rrezikut për jetën. Automjeti që drejtonte shtetasi M. M. është sekuestruar në cilësinë e provës materiale”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
