Gazeta Si – Vetëm pak orë pasi Gjykata caktoi masën e sigurisë ndaj ish-kryebashkiakut të Durrësit, Vangjush Dako, vendimi është ekzekutuar. Dako ka lënë qelinë e burgut dhe ka shkuar në shtëpinë e tij, pasi i është caktuar masa ‘arrest shtëpie’.
Një automjet i policisë, sipas procedurës, e ka transportuar Vangjush Dakon nga burgu i Durrësit drejt shtëpisë së tij. Sapo automjeti ka dalë nga ambientet e burgut, ish-kreu i bashkisë së Durrësit është takuar me familjarët e tij.
Vendimi për lirimin e Dakos nga qelia u mor sot nga GJKKO, për shkak të afateve të paraburgimit. Vangjush Dako është i pandehur për shpërdorim detyre në dy raste, në lidhje me një pallat që u dëmtua nga tërmeti i 26 nëntorit 2019, si dhe për projektin e promenadës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.