Gazeta Si – Policia e Tiranës ka identifikuar dhe shpallur në kërkim autorin e dyshuar të grabitjes së dyqanit të celularëve në rrugën “Myslym Shyri” në Tiranë më 9 shkurt 2024.
Sipas policisë, i dyshuari është Afrim Dulaj 43 vjeç, i cili kërcënoi me një armë zjarri punonjësit, duke grabitur dhjetëra celularë.
Ai u identifikua pas hetimeve dhe dokumentimit me prova ligjore dhe në momentin e grabitjes mbante veshur një xhup të kuq dhe ishte i maskuar.
LEXO EDHE:
Video / Me maskë, xhup të kuq e pistoletë grabit në Tiranë dyqanin e celularëve në Tiranë
Policia e Tiranës ka publikuar foton e tij dhe ka vendosur shpërblim 5 mijë euro për këdo që jep informacione që çojnë në arrestimin e tij.
“Shërbimet e Komisariatit të Policisë Nr. 2, në vijim të veprimeve për zbardhjen dhe dokumentimin e ngjarjes së ndodhur më datë 09.02.2024, në një dyqan celularësh, në rrugën “Myslym Shyri”, kanë vijuar hetimet e thelluara për identifikimin e autorit të rastit. Si rezultat i punës intensive hetimore, u bë identifikimi dhe shpallja në kërkim e autorit të dyshuar, shtetasit Afrim Dulaj, i ditëlindjes 02.11.1980, banues në Tiranë. DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e tij”, sipas policisë. Drejtoria Vendore e Policisë Tiranë vendos në dispozicion të qytetarëve, numrat e telefonit 112 dhe +355 69 410 0118, duke garantuar anonimatin e plotë të çdo telefonuesi”, – thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
