.png)
Gazeta Si – Në renditjen e përditësuar të FIFA-s për muajin e fundit, që do të bëhet publike ditën e enjte, Shqipëria pritet të humbasë dy vende. Kuqezinjtë do të zbresin nga vendi i 62-të në vendin e 64-t.
Nuk është faji i rezultateve të skuadrës së Silvinjos, sepse ajo nuk ka bërë asnjë ndeshje në këtë periudhë. Spostimi vjen për shkak të lëvizjes që kanë bërë përfaqësueset e impenjuara në Kupën e Afrikës dhe në Kupën e Azisë.
Afrika e Jugut dhe RD Kongo, falë paraqitjes së mirë që kanë bërë në Kupën e Afrikës, që po luhet aktualisht, kanë ngjitur pozicione në renditjen e FIFA-s, duke parakaluar pikërisht Shqipërinë.
Tre kundërshtarët e kuqezinjve në grup në Europianin e Gjermanisë, Spanja, Italia dhe Kroacia, bëjnë pjesë në 10-shen e parë të renditjes së FIFA-s. Këto skuadra mbajnë përkatësisht vendet 8, 9 dhe 10.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
