Gazeta Si – Një çift shqiptar janë arrestuar nga policia franceze në Dax më 20 janar, pasi gjatë kontrollit në makinën me të cilën udhëtonte në jugperëndim të Francës, u gjetën 340.760 euro në prerje 50, 20 dhe 10 euroshe.
Ishte qeni i policisë ai që zbuloi shumën e madhe të parave që ishin fshehur poshtë shtresës së bagazhit të makinës.
Mediat franceze raportojnë se burrë e grua ishin nisur nga Gjermania drejt Spanjës. Në momentin kur u ndaluan nga policia, çifti shqiptar u shpreh se ishin nisur drejt Madridit ku do të kalonin fundjavën.
Çifti u la në paraburgim, ndërsa autoritetet po hetojnë pistën e pastrimit të parave që dyshohet se vijnë nga trafiku i drogës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
