.png)
Gazeta Si – Lajmi i kalimit të Ljuis Hemiltonit nga Mercedesi te Ferrari në vitin 2025 nuk ka kaluar pa u vënë re edhe jashtë botës së automobilizmit. Efekti është ndjerë menjëherë edhe në bursë.
Së fundi kuotat e skuderisë nga Maranelo janë rritur në bursë. Vlera e aksioneve të Ferrarit, e kuotuar si në NYSE ashtu edhe në FTSE MIB të bursës së Milanos, ka regjistruar një rritje të konsiderueshme ditën e enjte, me një trend progresiv.
Piku arriti pas orës 16:00, kur një aksion i skuderisë italiane preku kuotën 354.60 euro. Rritja e brendshme, në përqindje, është më shumë se 9%. Të dhëna rekord të influencuara nga piloti britanik, që prej 2025-ës do të zbarkojë në Itali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
