Gazeta Si – Një argjendari në pedonalen e qytetit të Korçës është grabitur gjatë mbrëmjes së të martës.
Sipas burimeve paraprake, mësohet se autorët kanë hapur qepenin e biznesit, më pas kanë thyer xhamin dhe në këtë mënyrë kanë arritur që të futen brenda.
Zona është e gjitha me kamera sigurie, pasi ka biznese të shumta. Aktualisht po kontrollohen kamerat e sigurisë, ndërkohë po merren dhe deklarimet e pronarit të argjendarisë për dëmin e shkaktuar.
Grupi hetimor po punon për të zbardhur rrethanat e ngjarjes për të identifikuar autorët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
