Sot do të mbetemi nën ndikimin e motit të qëndrueshëm në Shqipëri, ku orët e paradites do të dominohen nga moti i kthjellët në bregdet dhe zonat e ulëta por me kthjellime dhe vranësira të shpeshta do të paraqiten zonat malore.
Pjesa e dytë e ditës do të sjellë vranësira të shpeshta nëpër të gjithë territorin e vendit, ku më të theksuara do të jenë në skajin verior.
Moti parashikohet që nën ndikimin e masave ajrore të qëndrueshme të mbetet edhe gjatë natës.
Temperaturat e ajrit do të pësojnë rënie të lehtë si në mëngjes edhe në mesditë duke luhatur vlerat ditore nga -3°C më e ulëta në zonat malore deri në 14°C më e larta në zonat bregdetare.
Era do të fryjë mesatarisht me shpejtësi 40 km/h nga drejtimi kryesisht verior dhe verilindor duke gjeneruar në brigjet detare dallgëzim mbi 2 ballë
Moti i qëndrueshëm do të na shoqërojë gjatë gjithë javës. Pasditet do të sjellin vranësira kalimtare por nuk parashikohen reshje shiu. Sa i përket temperaturave, ulje do të ketë në orët e para të mëngjesit por duke nisur nga e enjta parashikohet rritje e ndjeshme e tyre.
Pjesa e parë e javës deri të mërkurën, temperatura më e ulët do të shënohet në Ersekë -5, në Peshkopi -4 dhe maksimalet në zonat bregdetare duke filluar deri në 14 gradë. Duke filluar nga e enjtja do të kemi rritje të ndjeshme të temperaturave, ku zonat malore do të regjistrojnë 0 apo -1 ndërkohë që maksimalet do të ngjiten deri në 17 apo 18 gradë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
