Gazeta Si – Një 66-vjeçar ka rënë në pranga në Tiranë, pasi kishte mbyllur gruan në shtëpi me nipërit dhe mbesat dhe i kërcënonte me sëpatë që të mos lajmëronin policinë.
Në pranga ka rënë shtetasi R.S., i cili rreth orës 21:30, në rrugën “Pavarësia”, ka ushtruar dhunë ndaj bashkëshortes.
Sipas policisë, ai e ka mbyllur gruan në banesë, së bashku me nipërit dhe mbesat dhe i ka kërcënuar me sëpatë, që të mos njoftonin forcat e rendit.
Pavarësisht këtij fakti, policia u njoftua për këtë rast dhe kur kanë shkuar në banesën e tij në rrugën “Pavarësia” i kanë vënë prangat.
Ndërkohë, sëpata u sekuestrua në cilësinë e provës materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
