Nga Gazeta ‘Si’- Vendi është përfshirë nga reshje të dendura dëbore në zonat malore si dhe reshjesh shiu e shtrëngatash në zonat e ulëta.
Reshje dëbore me intensitet ka pasur në Bulqizë dhe Peshkopi ndërsa raportohet për probleme në lëvizjen e mjeteve në Bypasin e Rrugës së Arbrit dhe segmentin Plan i Bardhë-Qafa e Buallit.
Trashësia e borës në qytetin e Peshkopisë dhe Bulqizës arrin 15 cm.
Në qarkun e Kukësit ku lartësia e borës shkon 15-30 cm rrugët janë të qarkullueshme me goma dimërore. Po ashtu raportohet se disa fshatra janë pa energji elektrike.
Në Rrugën e Kombit, qarkullimi kryhet me vështirësi për shkak të shtresave të dëbores si pasojë e erërave të forta. Aktualisht po punojnë 12 mjete borëpastruese nga Rrësheni në Morinë.
Edhe qarku i Shkodrës është përshirë nga reshje dëbore. Në akset e Lotit 1 Hani i Hotit-Tamarë, Tamarë-Vermosh dhe Bogë-Theth gjatë natës ka patur reshje dëbore që vazhdojnë edhe tani të shoqëruara me erë të fortë.
Borëpastrueset ndodhen në terren për pastrimin e rrugës dhe mbajtjen hapur të akseve kryesisht nga bora që sjell era.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
