Gazeta Si – Një tërmet me magnitudë paraprake 4.6 të shkallës Rihter u ndje në orën 00:17 të kësaj të diele në disa qytete të vendit.
Sipas të dhënave të EMSC, epiqendra e lëkundjeve ishte 11 kilometra nga Lushnja dhe 26 kilometra nga Elbasani.
Autoritetet lokale nuk raportuan dëme materiale në banesa apo persona të lënduar. Tërmeti u ndje edhe në shumë qytete të tjera, si Tiranë, Durrës, Kavajë, Fier, Korçë, Pogradec, Vlorë etj.
Pak minuta më pas, në orën 00:23 u regjistrua një tjetër lëkundje me magnitudë 3 të shkallës Rihter.
Të frikësuar pas lëkundjeve të tërmetit, dhjetëra banorë të Lushnjës kanë dalë nga shtëpitë. Qytetarët kanë lënë apartamentet dhe po qëndrojnë në rrugë, pavarësisht temperaturave të ulëta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
