.png)
Konferenca e Kryetarëve është mbledhur të enjten në mesditë për të miratuar programin kalendarik të Kuvendit 15 janar-23 shkurt.
E pranishme në mbledhje nga opozita ishte vetëm Jorida Tabaku e cila paraprakisht njoftoi përmes një statusi ne Facebook se kishte lajmëruar për praninë e saj.
“Prezenca ime në Konferencën e Kryetarëve është në dakordësi të plotë me grupin parlamentar të PD dhe opozitën. PD ka qenë dhe do jetë gjithnjë proaktive në çështjen e integrimit Europian. Fatkeqësi që kjo mazhorancë i ka mbetur ende ora tek Reforma në Drejtësi dhe ka dështuar në reformat e tjera. Shqipërisë i duhen reforma për të vazhduar procesin e integrimit. I duhet një klimë dialogu mes qeverisë dhe opozitë. Jo hipokrizi!”, tha Tabaku
Ata që nuk dinin asgjë për këtyë mbledhje ishte PD-ja zyrtare e Lulzim Bashës. Flutura Açka reagoi përmes një postimi në Facebook.
“Zonja Nikolla, unë nuk jam njoftuar në asnjë formë e mënyrë që sot Kuvendi ka: Konferencën e Kryetarëve. Kjo është e papranueshme, zonja Nikolla! Keni njē batalion me sekretarë që ju fshijnë edhe këpucët, dhe nuk kanë kohë për një telefonatë zyrtare.
Të paktën demokratët, por edhe shqiptarët, i kanë shumë qartë bashkëpunimin tuaj më kë opozitar dhe si bashkëpunon Edi Rama”, komentoi ajo.
Por Kuvendi ka reaguar duke deklaruar se ajo ishte njoftuar ditën e djeshme, duke publikuar edhe emailin e njoftimit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
