Gazeta Si – Sokol Mjacaj, i cili ekzekutoi brenda burgut të sigurisë së lartë të Peqinit, Arben Lleshin dhe plagosi Indrit Shaqjen, ankimon në Gjykatën e Posaçme futjen e tij në regjimin “41 Biss”.
Mjacaj ka depozituar kërkesën zyrtare, ku kundërshton urdhrin e izolimit të nënshkruar nga ministri i Drejtësisë, Ulsi Manja disa ditë para fundvitit të shkuar.
Mjacaj vetëm pak minuta pasi mësoi lajmin për futjen e tij në “41 biss”, kreu vrasjen, që dyshohet përkundrejt pagesës.
LEXO EDHE:
– Dëshmia e drejtorit të burgut, negociatat me Sokol Mjacajn pas vrasjes: Armën e fshehu në kutinë e qumështit (dhe mikesha që i sillte ushqime!)
– Indrit Shaqja nën akuzë, dyshohet se bashkëpunoi me Mjacajn për vrasjen e Arben Lleshit. Në qeli iu gjet celular
– Vrasja në burgun e Peqinit, Sokol Mjacaj u informua nga të dënuarit e tjerë për izolimin: Qenke i rrezikshëm ti!
Pas ngjarjes, Gjykata e Elbasanit i komunikoi tjetër masë “arresti në burg” 28-vjeçarit të dënuar përjetë për vrasjen e dy turistëve çek në vitin 2015 në Prekal të Malësisë së Madhe.
Gjithashtu Prokuroria e Elbasanit ka ngritur akuzë për të dënuarin e dytë me dyshimet se është përfshirë në vrasjen e Arben Lleshit pas Sokol Mjacajt.
Ka dyshime që Indrit Shaqja, i cili mbeti i plagosur edhe vetë nga të shtënat me armë zjarri të ketë qenë përfshirë në planin e Mjacajt.
Përveç Mjacajt, kërkesë për daljen nga “41 biss” ka bërë edhe Ilir Kupa, i dënuar për 25 vite burg për veprat penale të grabitjes me armë në kuadër të grupit të strukturuar kriminal, pjesë së bandës së “Babagjyshëve” të cilët grabisnin argjendari.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
