Gazeta Si – Katër persona të maskuar kanë plagosur me levë një 28-vjeçar me iniciale A.J., në fshatin Buçimas të Pogradecit.
Policia thotë se gjatë një konflikti midis disa personave, dyshohet se është dëmtuar me sende të forta shtetasi A. J., 28 vjeç, banues në Buçimas, i cili u dërgua për mjekim në spital.
Sipas burimeve paraprake, raportohet se autorët kanë qenë me një mjet tip “Passat” pa targa. Mësohet se ata e kanë goditur me leva të riun dhe janë larguar.
I plagosuri ndodhet në spital në kujdesin e mjekëve. Nga ana e policisë po punohet për identifikimin dhe kapjen e autorëve të dyshuar. Grupi hetimor po punon për zbardhjen e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
