Gazeta Si – Një 38-vjeçar shqiptar, Erion Bali sipas medieve italiane, ka humbur jetën mëngjesin e së martës pas një aksidenti me makinë në periferi të Kremonas.
Shqiptari që banonte në Gadesko Pieve Delmona ishte menaxher i një restoranti. Gjithmonë duke iu referuar lajmeve të publikuara në vendin fqinj, makina e tij është përplasur në rrethrrotullimin e San Feliçe.
Makina tip ”Volkswagen Golf” ka dalë nga rruga, është përplasur me një tabelë dhe më pas me bordurën. Përplasje që ka rezultuar fatale për 38-vjeçarin Bali. Dyshimet janë se aksidenti mund të jetë shkaktuar nga përgjumja e shoferit.
Forcave zjarrfikëse iu desh të punonin shumë orë për ta nxjerrë nga makina 38-vjeçarin. Sipas vlerësimeve paraprake, Bali mund ta ketë humbur kontrollin e makinës rreth 100 metra para rrethrrotullimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
