Gazeta Si – Në fshatin Shtanë të Kukësit, policia ka parandaluar një ngjarje e mundshme kriminale, ku janë arrestuar 3 familjarë, të cilët kanë kanosur me armë dhe plagosur fqinjin në banesën e tij për motive të dobëta.
Konkretisht është arrestuar 48-vjeçari me iniciale D.(B).V., vëllai i tij, 44-vjeçari me iniciale S.V. si dhe djali i 48-vjeçarit, 20-vjeçari me iniciale J.V., të tre banues në fshatin Shtanë.
Ata kanë shkuar në banesën e 53-vjeçarit ku e kanë kanosur me armë dhe goditur me grushte pas një konflikti për motive të dobëta.
Në cilësinë e provës materiale u sekuestrua një armë gjysmë-automatike, 1 automjet dhe celularët e 3 të arrestuarve. Vijojnë hetimet për të individualizuar dhe dokumentuar ligjërisht, përgjegjësinë penale të secilit prej të arrestuarve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
