Gazeta Si – Një këmbësor humbi tragjikisht jetën mbrëmjen e kësaj të shtune në Durrës, pasi u përplas nga një automjet. Ngjarja ndodhi rreth orës 18:45, në aksin rrugor “Sektor Rini-Shenavlash”.
Burime zyrtare të policisë thonë se viktima është një 52-vjeçar me iniciale Gj.D. Ai u përplas nga një automjet që drejtohej nga R.K., 31 vjeç. Si pasojë e përplasjes, si viktima ashtu sikurse edhe automjeti përfunduan në një kanal anës rrugës.
Në vendin e ngjarjes shkoi zjarrfikësja dhe forcat e policisë, e cila ka nisur hetimet për të zbardhur rrethanat e aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
