Gazeta Si – Një banesë njëkatëshe është shkatërruar nga flakët në fshatin Golaj të Hasit, si pasojë e një zjarri që ra në orët e vona të mbrëmjes së mërkurës.
Pavarësisht ndërhyrjes së forcave të zjarrfikëse nuk është bërë e mundur shuarja e zjarrit, i cili shkrumboi gjithçka brenda banesës së shtetasi S.Meshi.
Fatmirësisht nga flakët nuk ka patur të lënduar, ndonëse në shtëpi ka pasur familjar në momentin e rënies së zjarrit.
Mendohet se shkaku i zjarrit ka qenë një shkëndijë elektrike, gjithsesi grupi i punës në komisariatin e Hasit, në bashkëpunim me prokurorinë e Kukësit, po bëjnë verifikimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
