Gazeta Si – Një 19-vjeçar është plagosur rëndë mbrëmjen e kësaj të mërkure në vendin e quajtur “Rrasa e zezë”, në njësinë administrative Selishtë në Dibër, pasi aksidentalisht është rrëzuar nga një shkëmb.
I riu, i identifikuar me inicialet K.B., kishte shkuar për piknik së bashku me tre shokët e tij, të identifikuar me inicialet A.M, M.Ll, E.B dhe E.B.
Gjatë kohës që i riu së bashku shokët e tij kanë qenë duke u kthyer nga pikniku, 19-vjeçari është rrëzuar nga një shkëmb dhe për pasojë ka pësuar lëndime trupore.
Blutë bëjnë me dije se i riu është dërguar në spital dhe po trajtohet me ndihmë mjekësore. Grupi hetimor po punon për zbardhjen e plotë të rrethanave të kësaj ngjarjeje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
