Gjenden bomba tymuese dhe municion në veri të Kosovës/ Mund të përdoreshin për sulm

16:28 - 25 Dhjetor 2023

Në Veri të Kosovës janë sekuestruar mjete të rrezikshme.

Ato u gjendën në veri të Mitrovicës, te lagjja e boshnjakëve, përballë Shkollës së Mesme Teknike.

Mjetet u gjetën bazuar në infomacione të dhëna nga qytetarët.

Konkretisht u sekuestruan tela gjemborë të improvizuar (irige), bomba tymuese, municion dhe një uniformë. Raportohet se uniforma e gjetur të hënën është e ngjashme me uniformat që janë përdorur nga grupi terrorist në Banjskë në shtator të këtij viti.

Policia e Kosovës ka dyshime se këto municione dhe sende të tjera do të mund të përdoreshin për sulme ndaj tyre, duke rrezikuar jetën e efektivëve dhe qytetarëve.

Policia e Kosovës po vijon aksionin në terren me qëllim të identifikimit të mjeteve tjera të dyshuara në mënyrë që të parandalohet rreziku nga to, i qytetarëve apo të parandalohet ndonjë sulm ndaj autoriteteve

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.