Nën kërcënimin e një pistolete lodër imituese, dy adoleshentë u kanë grabitur një sasi parash dy personave në Sheshin “Skëndërbej”. Për ngjarjen, policia ka arrestuar një 17-vjeçar rreth orës 03:20 të mëngjesit të sotëm, pasi në bashkëpunim me një moshatar të tij, ndërsa ka shpallur në kërkim një tjetër.
“Shërbimet e Sektorit të Forcës së Posaçme “Shqiponja”, në bashkëpunim me Komisariatin e Policisë Nr. 1, pas marrjes së njoftimit ditën e djeshme, në sheshin “Skënderbej”, rreth orës 03:20, dy persona të paidentifikuar, nën kërcënimin e një arme, i kishin vjedhur një shumë parash dy shtetasve dhe më pas ishin larguar, menjëherë kanë organizuar punën për kapjen e tyre”, njofton policia.
Pas verifikimeve të kryera nga policia, ka rezultuar se 2 autorët e grabitjes në sheshin “Skënderbej” kanë kryer më herët një tjetër grabitje në një farmaci në rrugën “Asim Zeneli” ku kanë marrë një shumë parash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
