.png)
Gazeta Si – Trajneri i Kombëtares komentoi shortin e hedhur sot në Hamburg për grupet e Euro 2024, kuq kuqezinjtë do ndeshen me Spanjën, Kroacinë dhe Italinë. Silvinjo do të donte të tjerë kundërshtarë, sigurisht, por ai e ka marrë me sportivitet atë çfarë kanë servirur goglat.
Braziliani theksoi se do të jenë një sfidë e bukur ndeshjet emra të mëdhenj, si Spanja, Italia dhe Kroacia: “Është shumë bukur të jem këtu për Shqipërinë, jemi shumë të lumtur.
Gjithçka ishte shumë e shpejtë, shkëmbeva disa fjalë me Spaletin. Është grup i vështirë, por nuk ka skuadra të lehta. Kam punuar në Itali, siç kam jetuar dhe kam luajtur në Spanjë. I njoh mirë këto vende dhe mentalitetin e tyre.
E shoh të vështirë, sepse janë skuadra shumë të forta, janë mësuar të luajmë në këtë turne. Ne do të shkojmë të tregojmë forcën tonë. E kemi bërë ndaj Polonisë, ndaj Çekisë. Janë ndeshje teke dhe mund të ndodhë gjithçka. Do të provojmë, është një sfidë e bukur”, – u shpreh trajneri i Kombëtares nga Hamburgu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
