.png)
Gazeta Si - Ata po ecnin të qetë, të shtunën në mëngjes, pranë kampusit të Universitetit të Vermontit në Burlington, duke folur arabisht, me Kefiah-in bardh e zi rreth qafës së tyre, kur një burrë i bardhë doli para tyre i armatosur me një pushkë dhe qëlloi katër të shtëna përpara se të largohej.
Hisham Aëartani, Tahseen Ahmed dhe Kinnan Abdalhamid, me origjinë palestineze, dy janë shtetas amerikanë dhe një banor i ligjshëm, tani janë në spital: "Dy nga djemtë janë në gjendje të qëndrueshme, ndërsa i treti pësoi "lëndime shumë më të rënda", tha shefi i policisë së Burlingtonit, Jon Murad.
Të rinjtë ishin në Burlington, Vermont, për me rastin e Ditës së Falënderimeve.
Hishami është student në Universitetin Broën Rhode Island; Kinnan merr pjesë në Kolegjin Haverford në Pensilvani dhe Tahseen në Kolegjin Trinity në Konektikat.
"Pa folur, sulmuesi qëlloi të paktën katër të shtëna dhe u largua", - tha Murad.
Të tre viktimat janë goditur, dy në gjoks dhe një në gjymtyrët e poshtme”.
Murad shtoi se tre burrat janë me origjinë palestineze: “Në këtë moment të tensionuar, askush nuk mund ta shikojë këtë incident dhe të mos dyshojë se mund të ketë qenë një krim urrejtjeje. Unë jam tashmë në kontakt me partnerët federalë për t'u përgatitur për këtë eventualitet, nëse vërtetohet se është kështu", - shtoi ai.
Jason J. Eaton, 48 vjeç, i cili jeton në një pallat pranë vendit ku ndodhën të shtënat, u arrestua pasditen e djeshme.
Policia kontrolloi banesën e tij dhe gjeti të dhëna që do të çonin në aktakuzë.
Sulmi është një tjetër episod i islamofobisë dhe antisemitizmit që ka ndodhur në Shtetet e Bashkuara që nga fillimi i konfliktit Izrael-Hamas më 7 tetor.
Shtëpia e Bardhë tha se presidenti Joe Biden është informuar për të shtënat dhe do të vazhdojë të marrë përditësime.
Udhëheqësi i pakicës së Dhomës së Përfaqësuesve të Shteteve të Bashkuara, Hakeem Jeffries, i inkurajoi njerëzit që të "dënojnë pa mëdyshje rritjen e habitshme të urrejtjes anti-arabe dhe islamofobisë në Amerikë. Askush nuk duhet të jetë kurrë në shënjestër për përkatësinë e tij etnike ose fetare në vendin tonë – ne nuk do të lejojmë që urrejtja të fitojë” - shkroi demokrati i Nju Jorkut në rrjetin “X”.
Senatori i Vermontit dhe ish-kandidati presidencial demokrat, Bernie Sanders dënoi ngjarjen.
Duke shkruar në X, Sanders tha: “Është tronditëse dhe thellësisht shqetësuese që tre të rinj palestinezë u vranë këtu në Burlington, Vermont. Urrejtja nuk ka vend këtu, as në ndonjë vend tjetër”.
Ambasadori Husam Zomlot, kreu i misionit palestinez në MB, postoi një foto të treshes në mediat sociale dhe shtoi: "Krimet e urrejtjes kundër palestinezëve duhet të ndalen".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
