Gazeta Si – Një 29-vjeçar shqiptar në Greqi që rezultonte i zhdukur që prej 29 tetorit, është gjetur i vdekur. Viktima është Angjelo Avdiu, sipas mediave greke. Shqiptari u gjet i varur në një shtëpi fshati në zonën e Kyllini.
Veshjet dhe sendet personale konfirmuan identitetin e të riut, me ndihmën edhe të familjarëve të cilët shkuan për të identifikuar trupin.
Policia greke nuk e përjashton as pistën e një ngjarje kriminale pasi viktima ishte me duar të lidhura. Megjithatë, hetimet janë në fazë fillestare.
Vëllai i 29-vjeçarit tha për për mediat greke se familja e tij është e shkatërruar nga ngjarja tragjike. Ai konfirmoi gjithashtu se do të bëhet një analizë ADN-je për të konfirmuar zyrtarisht identitetin e viktimës.
Trupi i pajetë u gjet nga pronari i banesës ku ishte varur 29-vjeçari Angjelo Avdiu. Ai kishte shkuar në shtëpinë e tij të fshatit pas shumë kohësh dhe nuhati erën e rëndë. Pasi pa trupin e varur në një nga pemët e shtëpisë, lajmëroi menjëherë policinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
