Gazeta Si – Një aksident i rëndë ka ndodhur mesditën e kësaj të enjteje në autostradën Lushnjë-Fier në afërsi të Savrës, ku dy mjete tip “fuoristradë”, në tentativë parakalimi, janë përplsur me njëra-tjetrën.
Sipas burimeve policore, në manovër për të parakaluar, fuoristrada me targa AA765TL ka përfunduar në kanalin në anë të autostradës, rreth tre metra i thellë dhe fatmirësisht nuk ka pasur prezencë uji.
Në këtë mjet udhëtonte shtetasi F.M., me tre fëmijët e tij të mitur, nga 5 deri 8 vjeç, që fatmirësisht kanë shpëtuar për mrekulli dhe vetëm drejtuesi i mjetit ka marrë lëndime të lehta në kokë.
Në mjetin tjetër me targa AB554HB, udhëtonte drejtuesi, një 30-vjeçar me bashkëshorten, nënën dhe motrën e tij.
Policia konfirmoi se asnjë nga këta nuk është lënduar, pasi i ka ruajtur barriera anësore metalike dhe nuk kanë dalë nga rruga.
Dyshohet praprakisht se aksidenti ka ndodhur për shkak të një gabimi njerëzor në momentin e parakalimit, ndërsa policia ka nisur hetimet për të zbardhur ngjarjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
