Nga Gazeta ‘Si’-Një aksident ka ndodhur mbrëmjen e sotme në fshatin Tapi në qytetin e Kuçovës.
Një automjet, tip Mercedes Benz, ka përplasur 69-vjeçarin Veiz Plaku, që po qarkullonte në anë të rrugës së fshatit me biçikletë.
Edhe pse Plaku është transportuar menjëherë me ambulancë drejt Spitalit të Kuçovës, ai ka gjetur vdekjen gjatë rrugës, për shkak të plagëve të marra në kokë.
Pas përplasjes, mjeti ka fluturuar në anën tjetër të rrugës, duke thyer betonin anësor dhe duke përfunduar në kanal. Në vendngjarje kanë shkuar forca të shumta policie, që po kryejnë këqyrjen e vendit të ngjarjes.
Burimet policore konfirmojnë se mjeti ishte duke qarkulluar me shpejtësi skëterrë në momentin e aksidentit, kjo e konfirmuar edhe nga dëshmitarët në vendngjarje.
Drejtuesi i mjetit,21-vjeçari Fabion Arapi, pasi ka marrë mjekim në spitalin e Kuçovës, është shoqëruar nga policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
