.png)
Gjykata e Moskës përsëri ka gjobitur gjigantit teknologjik Google me pak më shumë se 154,000 euro për refuzimin që të dhënat e përdoruesve rusë t’i ruajë në Rusi.
Kjo nuk është hera e parë që gjiganti amerikan dënohet nga gjykatat në Rusi.
Në gushtin e vitit 2023, gjykata e ka dënuar Google me 32 mijë dollarë pasi nuk kishte fshirë informacionet rreth konfliktit në Ukrainë.
Gjatë vitit të kaluar, gjykata e Moskës ka gjobitur edhe kompanitë Apple dhe Wikipedia. Apple u gjobit me 4 mijë dollarë për shkak se nuk ka fshirë informacionet, të cilat regjimi rus i cilëson si të pavërteta në lidhje me luftën në Ukrainë.
Rusia e kishte paralajmëruar kompaninë amerikane se me informacionet që po ofronte, po destabilizonte situatën politike në shtetin rus. E njëjta gjykatë ka gjobitur edhe Wikipedian me 29 mijë dollarë. Ky ishte dënimi i shtatë me radhë ndaj Wikipedias me arsyetimin se po shpërndante informacione të pavërteta për luftën në Ukrainë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
