Gazeta Si – Një mjet i tipit furgon është djegur totalisht, ndërsa dy mjete të tjera janë dëmtuar nga flakët gjatë natës në Vlorë.
Ngjarja ka ndodhur rreth orës 00:30 pak pas mesnatës në lagjen “28 Nëtori”. Sipas burimeve paraprake, flakët dyshohet se kanë ardhur si pasojë e një defekti në motor, i cili ka shkaktuar zjarrin.
Si rjedhojë e zjarrit është shkrumbuar totalisht një furgon, i cili pasi ka marrë flakë është spostuar dhe ka dëmtuar edhe dy furgonë të tjerë.
Pronari i mjeteve, A.R., ka treguar se ngjarja është aksidentale. Sipas tij në momentet e para ka menduar ishte një zjarrvënie e qëllimshme, por teksa ka parë kamerat e sigurisë, ka rezultuar e kundërta. Ai tregon se dëmet janë materiale të konsiderueshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
